Goeie dag aan almal,

Dit is al weer tyd vir ons langafstandskiet en hierdie jaar is daar ‘n paar veranderinge om van kennis te neem:

1. Die kompetisie vind plaas op 31 Augustus.
2. Inskrywings sluit op 20 Augustus.
3. Daar is nou vier skuts per span.
4. Daar is plek vir 50 spanne.
5. Ons skiet 5 skote per skut per afstand, 300m, 400m, 500m en 600m.
6. Die prysgeld beloop meer as R37 000.
7. Stuur asb alle inskrywings en bewys van betalings aan skietforum@gmail.com

Lees asb die reëls van die kompetisie soos uiteengesit in die meegaande dokument, dit is belangrik.

Hierdie kompetisie word aangebied deur die Genl. Piet Joubert Belangegroep met Sudami X-Ring Reloading Equipment, Lynx Optics en Impala Bullets as borge.

Datum: 31 Augustus 2019
Plek: Genl Piet Joubertskietbaan, Noord van Pretoria, prysuitdeling by die Bisley klubhuis op die baan.
Opening: 7h30 by die skietgat of skietwal van die 800m Bisley skietbaan.
Deelnemers: Maksimum 50 spanne van 4 deelnemers elk. Al die deelnemers moet skiet. Gewere mag nie gedeel word nie.
Inskrywing: Inskrywingsfooi is R1500 per span, R100 vir nie-deelnemers, sluit braai van Belgiese pepersous T-bene na die tyd in.